விஇடி மேல்நிலைப்பள்ளி சார்பில் ஆசிரியர் தின விழா

விருத்தாசலம் எருமனூர் சாலையில் அமைந்துள்ள விஇடி மேல்நிலைப்பள்ளியில் ஆசிரியர் தின விழா நடந்தது. பள்ளியின் தலைவர் பத்மாவதி சக்திவேல் தலைமை தாங்கினார். பொருளாளர் கீர்த்திகா ராஜகோபால் முன்னிலை வகித்தார். செயலாளர் இந்திரா வீரராகவன் வாழ்த்தி பேசி ஆசிரியர்களுக்கு பரிசுகளை வழங்கினார். பொறுப்பு தலைமையாசிரியர் பிரபாகரன் வரவேற்றார். விழாவில் வி இ டி கல்வி குழுமம் சார்பில் ஆசிரியர்களுக்கு பொன்னாடை அணிவித்து நினைவு பரிசு கொடுக்கப்பட்டது. இதில் முன்னாள் பொருளாளர் சீனி அருள், முன்னாள் செயலாளர் பாலுசாமி, உதவி தலைமை ஆசிரியர் சுரேஷ்குமார் மற்றும் ஆசிரியர்கள் நிர்வாகிகள் கலந்து கொண்டு, ஆசிரியர் தினத்தை முன்னிட்டு ராதாகிருஷ்ணன் அவர்களின் உருவப்படத்திற்கு மலர் தூவி மரியாதை செலுத்தினார்கள்.