தேவூர் புனித ஆரோக்கிய மாதா ஆலயத் தேர் கிராமங்களில் பவனி ....

சேலம் மாவட்டம், சங்ககிரி வட்டம், தேவூரில் உள்ள புனித ஆரோக்கிய மாதா ஆலய தேர் பவனி திருவிழா நடைபெற்றது. மேட்டூர் புனித விண்ணேற்பு அன்னை ஆலய பங்கு தந்தை இருதய செல்வம், சேலம், நாமக்கல் மாவட்டங்களின் ஆர்.சி., பள்ளிகள் மேலாளர் கிரகோரிராஜன், வெள்ளாளபாளையம் புனித மகதலா மரியா ஆலய பங்குதந்தை ஆனந்தராஜ் உள்ளிட்டோர் தலைமை வகித்து திருப்பலி வேண்டுதல் நடத்தினார்கள். இதனையடுத்து வண்ண மின்விளக்குகளால் அலங்கரிப்பட்ட புனித ஆரோக்கிய மாதா தேர் தேவூர், மேட்டுக்கடை, மயிலம்பட்டி அம்மாபாளையம் வழியாக பவனி வந்து பின்னர் ஆலயத்தை சென்றடைந்தது. இதில் தேவூர், புதுப்பாளையம், காணியாளம்பட்டி,வெள்ளாளபாளையம், செட்டிபட்டி, பெரமாச்சிபாளையம், மயிலம்பட்டி வட்ராம்பாளையம், தண்ணித்தாசனூர், கோனேரிபட்டி, குள்ளம்பட்டி காவேரிபட்டி உள்ளிட்ட சுற்றுவட்டார பகுதிகளைச் சேர்ந்த கிறிஸ்தவர்கள் அதிகளவில் கலந்து கொண்டு தேரின் பின்னால் கைகளில் மெழுகுவர்த்தி ஏந்திச் சென்றனர்.