விருத்தாசலம் நகராட்சி சார்பில் தூய்மையே சேவை விழிப்புணர்வு பேரணி

விருத்தாசலம் நகராட்சி சார்பில் தூய்மையே சேவை விழிப்புணர்வு பேரணி நடைபெற்றது. விருத்தாசலம் நகராட்சி சார்பில் தூய்மை இந்தியா திட்டத்தின் கீழ் தூய்மையே சேவை உறுதிமொழி மற்றும் விழிப்புணர்வு பேரணி நடைபெற்றது. விருத்தாசலம் நகர் மன்ற தலைவர் டாக்டர் சங்கவி முருகதாஸ் தலைமை தாங்கி பேரணியை கொடியசைத்து தொடங்கி வைத்தார். வருகின்ற அக்டோபர் 2 ம் தேதி காந்தி ஜெயந்தியை முன்னிட்டு நேற்று முதல் அக்டோபர் இரண்டாம் தேதி வரை தூய்மைப் பணிகள் குறித்த விழிப்புணர்வு ஒவ்வொரு நாளும் நடைபெற உள்ளது. அதனை ஒட்டி நேற்று விருத்தாசலம் வானொலி திடலில் தொடங்கப்பட்ட நிகழ்ச்சியில் டாக்டர் சங்கவி முருகதாஸ் தலைமையில் உறுதிமொழி எடுக்கப்பட்டு ஊர்வல பேரணி தொடங்கியது. இதில் நகரை தூய்மையாக வைத்திருக்க வலியுறுத்தி முக்கிய வீதிகள் வழியாக பேரணி நடந்தது. இதில் நகராட்சி துப்புரவு அலுவலர் சக்திவேல், சுகாதார ஆய்வாளர் சிவராமகிருஷ்ணன், மற்றும் தூய்மை இந்தியா திட்ட பரப்புரையாளர்கள், மேற்பார்வையாளர்கள், துப்புரவு பணி மேற்பார்வையாளர்கள், சுய உதவிக் குழுக்கள் மற்றும் பொதுமக்கள் பலர் கலந்து கொண்டு பேரணியாக சென்று விழிப்புணர்வு ஏற்படுத்தினார்கள்.