வாய்க்காலில் விழுந்த மரம் அகற்ற விவசாயிகள் கோரிக்கை

நாமக்கல் மாவட்டம் குமாரபாளையம் அருகே கல்லங்காட்டுவலசு பகுதியில் இரு நாட்கள் முன்பு மேட்டூர் கிழக்கு கரை வாய்க்காலில் பெரிய மரம் ஒன்று முறிந்து விழுந்துள்ளது. இதனால் வாய்க்காலில் வரும் குப்பைகள் தேங்கி துர்நாற்றம் வீசி வருகிறது. இதனால் தண்ணீர் செல்வது தடை பட்டு வருவதால், விவசாயிகள் அதிருப்தியடைந்து வருகிறார்கள். இது குறித்து பொதுப்பணித்துறையினர் வசம் சொல்லியும் பலனில்லை என்பதால், உடனே இந்த மரத்தை அகற்றி எளிதில் விவசாய நிலங்களுக்கு தண்ணீர் பாய்ச்சிட உதவிட வேண்டும் என விவசாயிகள் கோரிக்கை விடுத்துள்ளனர்.