சக்கரப்பட்டி சித்தருக்கு 25 ஆம் தேதி குருபூஜை விழா.

பரமத்தி வேலூர், நவ. 24- பரமத்தி வேலூர் தாலுக்கா பாண்டமங்கலத்தில், சக்கரப்பட்டி சித்தர் என்ற சதானந்த சித்தர் ஜீவசமாதி அமைந்துள்ளது. இக்கோவிலில் நாளை 25 ம் தேதி 12ம் ஆண்டு குருபூஜை விழா நடைபெறுகிறது. விழாவை முன்னிட்டு காலை, 6.30 மணிக்கு சதானந்த சித்தருக்கு பல்வேறு வாசனை திரவியங்கள் சிறப்பு அபிஷேகம் நடைபெறுகிறது. அதனை தொடர்ந்து விநாயகர், சிவன் சுவாமிகளுக்கு சிறப்பு அபிஷேகம் நடக்கிறது. காலை, 9 மணிக்கு குரு வணக்கம், திருப்பள்ளி எழுச்சி, சக்கரப்பட்டி சித்தருக்கு திருமஞ்சனம், மகா தீபாராதனை நடக்கிறது. மதியம், 12.30 மணிக்கு மகேஸ்வர பூஜை நடக்கிறது. சுற்று வட்டாரத்தை சேர்ந்த சிவனடியார்கள் மகேஸ்வர பூஜையில் கலந்து கொள்கின்றனர். ஆவிற்கான ஏற்பாடுகளை சக்கரப்பட்டி சித்தர் அறக்கட்டளை மற்றும் சுற்று வட்டாரத்தை சேர்ந்த ஊர் பொதுமக்கள் செய்து வருகின்றனர்.