செல்வப்பெருந்தகை நாளை நாமக்கல் வருகை!

தமிழ்நாடு காங்கிரஸ் கமிட்டி தலைவர் கு.செல்வப்பெருந்தகை எம்.எல்.ஏ. நாளை (நவம்பர் -5) செவ்வாய்க்கிழமை மாலை நாமக்கல் வருகிறார்.இதுகுறித்து தமிழ்நாடு காங்கிரஸ் கமிட்டியின் மாநில செய்தித் தொடர்பாளரும் மேற்கு மண்டல ஊடக ஒருங்கிணைப்பாளர் டாக்டர் P.V.செந்தில் வெளியிட்டுள்ள செய்திக்குறிப்பில் கூறியிருப்பதாவது... தமிழ்நாடு காங்கிரஸ் கமிட்டி தலைவர் கு.செல்வப்பெருந்தகை , தற்போது தமிழகம் முழுவதும் மாவட்டம் தோறும் சென்று நிர்வாகிகளை சந்தித்து கட்சி வளர்ச்சி பணிகள் குறித்து ஆலோசனை நடத்தி வருகிறார். அதன் தொடர்ச்சியாக நாமக்கல் - திருச்சி சாலையில் உள்ள நளா ஹோட்டலில் நாளை மாலை 4 மணியளவில் நடைப்பெறும் காங்கிரஸ் பிரதிநிதிகள் ஆலோசனை கூட்டத்தில் பங்கேற்கிறார். மேலும் இந்த ஆலோசனை கூட்டத்தில் அகில இந்திய காங்கிரஸ் கமிட்டியின் செயலாளர் சூரஜ் ஹெக்டே,சட்டமன்ற காங்கிரஸ் கட்சி தலைவர் ராஜேஷ் குமார், முன்னாள் தமிழ்நாடு காங்கிரஸ் கமிட்டி தலைவர் கே. வி.தங்கபாலு ஆகியோர் கலந்து கொண்டு சிறப்புரை ஆற்றுகின்றனர். இவ்வாறு அந்த செய்தி குறிப்பில் தெரிவித்துள்ளார்.நாமக்கல் மாவட்டத்தில் காங்கிரஸ் கிராம கமிட்டியை மறு சீரமைப்பு செய்து வலிமைப்படுத்துவதற்கான இதுதான் முதல் கூட்டம் என்பது குறிப்பிடத்தக்கது.