சங்கரன்கோவிலில் திருக்கல்யாண வைபவம் நடைபெற்றது

தென்காசி மாவட்டம் சங்கரன்கோவில் அருள்மிகு சங்கரநாராயண சுவாமி திருக்கோயிலில் கந்த சஷ்டி திருவிழாவை முன்னிட்டு திருக்கல்யாண வைபவம் வெள்ளிக்கிழமை நடைபெற்றது. இத்திருக்கோயிலில் கந்த சஷ்டி திருவிழா கடந்த 2ஆம் தேதி தொடங்கியது. தினமும் பகல் 1 மணிக்கு மேல் சண்முகா், வள்ளி, தெய்வானைக்கு சிறப்பு அபிஷேகம், அலங்காரம் மற்றும் தீபாராதனை நடைபெற்றது. 6 ஆம் திருநாளான வியாழக்கிழமை சூரசம்ஹாரம் நடைபெற்றது. நேற்று காலையில் சுப்பிரமணியசுவாமி, தெய்வானை அம்பாளுக்கு அபிஷேகம், அலங்காரம் மற்றும் சிறப்பு தீபாராதனை நடைபெற்றது. பிற்பகல் 12 மணியளவில் தெய்வானை அம்பாள் வெள்ளிச் சப்பரத்தில் எழுந்தருளி வடக்கு ரத வீதியில் உள்ள சைவ செட்டியாா் சமுதாய மண்டகப்படிக்கு எழுந்தருளினாா். அங்கு அம்பாளுக்கு சிறப்பு பூஜைகள் மற்றும் தீபாராதனை நடைபெற்றது. இதையடுத்து மாலை 6 மணியளவில் வடக்கு ரத வீதியில் சுப்பிரமணியசுவாமி, தெய்வானை அம்பாளுக்கு காட்சி கொடுத்தாா். இதில், சைவ செட்டியாா் சமுதாய தலைவா் லட்சுமணன், செயலா் சொக்கலிங்கம், பொருளாளா் சேகா் உள்ளிட்ட திரளான பக்தா்கள் கலந்து கொண்டு சுவாமி தரிசனம் செய்தனா்.