கரூர் மாவட்ட திமுக மாணவர் அணி சார்பில் ஆலோசனை கூட்டம் நடைபெற்றது.

கரூர் மாவட்ட திமுக மாணவர் அணி சார்பில் ஆலோசனை கூட்டம் நடைபெற்றது. கரூர் மாநகராட்சிக்கு உட்பட்ட பிரேம் மஹாலில் திமுக மாவட்ட,மாநில, மாநகர, மாணவரணி அமைப்பாளர், துணை அமைப்பாளர்கள் ஆலோசனைக் கூட்டம் மாவட்ட மாணவர் அணி அமைப்பாளர் சரவண மூர்த்தி தலைமையில் நடைபெற்றது. இந்த கூட்டத்தில் சிறப்பு அழைப்பாளராக மாநில மாணவர் அணி செயலாளர், MLA, சி.வி.எம்.பி. எழிலரசன், தமிழக மின்சாரம் மற்றும் ஆயத்தீர்வை துறை அமைச்சர் செந்தில் பாலாஜி உள்ளிட்ட மாணவரணியை சேர்ந்த நிர்வாகிகள் ஏராளமானோர் கலந்து கொண்டனர். இந்தக் கூட்டத்தில் மாணவரணி எவ்வாறு செயல்பட வேண்டும் என்பது குறித்து மாநில மாணவரணி செயலாளர் எழிலரசன் மற்றும் அமைச்சர் செந்தில் பாலாஜி ஆகியோர் ஆலோசனைகளை வழங்கினார். மேலும், எதிர்வரும் தேர்தல் காலத்தில் எவ்வாறு வியூகங்கள் அமைத்து செயல்பட வேண்டும் என்பது குறித்தும் விளக்கி கூறினார். முன்னதாக கட்சி நிர்வாகிகள் அமைச்சர் செந்தில் பாலாஜிக்கு பொன்னாடை அணிவித்து உற்சாக வரவேற்பு அளித்தனர்.