காளியப்பனூர் அருகே டூவீலரில் சென்றவர் மீது கார் மோதி விபத்து.

காளியப்பனூர் அருகே டூவீலரில் சென்றவர் மீது கார் மோதி விபத்து. கரூர் வட்டார போக்குவரத்து அலுவலகம் எதிரில் வாசித்து வருபவர் நடராஜன் மகன் அன்பழகன் வயது 31. இவர் நவம்பர் 7ஆம் தேதி மாலை 6:30 மணி அளவில், பாளையத்திலிருந்து கரூர் செல்லும் சாலையில் அவரது டூவீலரில் சென்று கொண்டு இருந்தார். இவரது வாகனம் காளியப்பனுர் இந்தியன் ஆயில் பெட்ரோல் பங்க் அருகே சென்றபோது, அதே சாலையில் திருச்சி மாவட்டம், தொட்டியம், கிளிஞ்சாநத்தம் பகுதியை சேர்ந்த நீலமேகம் வயது 56 என்பவர் வேகமாக ஓட்டி வந்த கார் அன்பழகன் ஓட்டிச் சென்ற டூவீலரின் பின்னால் மோதி விபத்து ஏற்பட்டது. இந்த விபத்தில் அன்பழகனுக்கு வலது கால் முட்டியில் பலத்த காயம் ஏற்பட்டதால், உடனடியாக அவரை மீட்டு கரூரில் உள்ள தனியார் மருத்துவமனையில் சிகிச்சைக்காக அனுமதித்தனர். சம்பவம் தொடர்பாக அன்பழகன் அளித்த புகாரின் பேரில் சம்பவ இடத்திற்கு சென்று விசாரணை மேற்கொண்ட காவல்துறையினர் இது தொடர்பாக காரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய நீலமேகம் மீது வழக்கு பதிவு செய்துள்ளனர் தாந்தோணி மலை காவல்துறையினர்.