கரூர் டாஸ்மாக் தொழிற்சங்கம் சார்பில் உதயநிதி ஸ்டாலின் பிறந்தநாள் கொண்டாட்டம்.

கரூர் டாஸ்மாக் தொழிற்சங்கம் சார்பில் உதயநிதி ஸ்டாலின் பிறந்தநாள் கொண்டாட்டம். தமிழக துணை முதல்வர் உதயநிதி ஸ்டாலின் 48 வது பிறந்தநாளை இன்று தமிழகம் முழுவதும் திமுக கட்சி நிர்வாகிகள் மற்றும் தொழிற்சங்க நிர்வாகிகள் பல்வேறு பகுதிகளில் பல்வேறு நிகழ்ச்சிகளை செய்து கொண்டாடினர். இதன் தொடர்ச்சியாக, கரூர் பேருந்து நிலையம் எதிரே, திமுக தொழிற்சங்க தலைவர் அண்ணா வேல் தலைமையில் அன்னதானம் வழங்கும் நிகழ்ச்சி நடைபெற்றது. இந்த நிகழ்ச்சியில் திமுக தொழிற்சங்க மாவட்ட செயலாளர் அப்பாசாமி, மாவட்டத் தலைவர் மாயவன், செயலாளர் ராஜேஷ் கண்ணா, துணைச் செயலாளர்கள் அலெக்ஸ் டக்லஸ் ஓம், சரவணன், பாபு, முனியப்பன் உள்ளிட்டோர் கலந்து கொண்டு, தமிழக துணை முதலமைச்சர் உதயநிதி ஸ்டாலின் பிறந்த நாளை, ஏழை, எளிய,பொது மக்களுக்கு அன்னதானம் வழங்கி கொண்டாடினர். அன்னதானம் பெற்றுக் கொண்ட பொதுமக்கள் தொழிற்சங்க நிர்வாகிகளுக்கு நன்றி தெரிவித்தனர்.