மொச்சகொட்ட பாளையம்- டூ வீலரில் வேகமாக சென்றதால் கட்டுப்பாட்டை இழந்து கீழே விழுந்து விபத்து. இருவர் படுகாயம்.

மொச்சகொட்ட பாளையம் - டூ வீலரில் வேகமாக சென்றதால் கட்டுப்பாட்டை இழந்து கீழே விழுந்து விபத்து. இருவர் படுகாயம். கரூர் மாவட்டம், புகலூர் தாலுகா, பவித்திரம் அருகே உள்ள ஜெயந்தி நகர் பகுதியைச் சேர்ந்தவர் விஜயகுமார் வயது 36. இவரும் புகலூர் தாலுகா, பள்ளபாளையம், அரசு காலணி பகுதியைச் சேர்ந்த பாலன் வயது 58 ஆகிய இருவரும், டிசம்பர் 5ஆம் தேதி இரவு 9 மணி அளவில் கோவை - கரூர் சாலையில் அவர்களது டூவீலரில் சென்று கொண்டு இருந்தனர். விஜயகுமார் டூவீலரை ஓட்ட, பாலன் பின்னால் அமர்ந்து சென்றார். இவர்களது வாகனம் மொச்சகொட்ட பாளையம் பஸ் ஸ்டாப் அருகே சென்றபோது, விஜயபாஸ்கர் டூவீலரை வேகமாக இயக்கியதால் வாகனம் கட்டுப்பாட்டை இழந்து கீழே விழுந்து விபத்து ஏற்பட்டது. இந்த விபத்தில் இருவருக்கும் படுகாயம் ஏற்பட்டது. இதில் பாலனை மீட்டு திருச்சி அரசு மருத்துவமனையிலும், விஜயகுமாரை கரூர் அரசு மருத்துவக் கல்லூரி மருத்துவமனையிலும் சிகிச்சைக்காக அனுமதித்தனர். இந்த சம்பவம் அறிந்த பாலனின் மனைவி லலிதா வயது 55 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், டூவீலரை வேகமாகவும் அஜாக்கிரதையாகவும் ஓட்டி விபத்து ஏற்படுத்திய விஜயகுமார் மீது வழக்கு பதிவு செய்துள்ளனர் கரூர் மாநகர காவல் துறையினர்.