வெண்ணைமலை பிரிவு- கார் மீது சரக்கு வாகன மோதி விபத்து. தாய் மகன் படுகாயம்.

வெண்ணைமலை பிரிவு- கார் மீது சரக்கு வாகன மோதி விபத்து. தாய் மகன் படுகாயம். கரூர் மாநகராட்சிக்கு உட்பட்ட அண்ணாநகர், பர்ஸ்ட் கிராஸ், பிள்ளையார் கோவில் தெருவை சேர்ந்தவர் ராஜா வயது 38. இவரது தாயார் பொன்னம்மாள் வயது 75. இவர்கள் இருவரும் டிசம்பர் 8-ம் தேதி மதியம் 3:30 மணி அளவில், சேலம் - கரூர் சாலையில் அவர்களது காரில் சென்று கொண்டிருந்தனர். இவர்களது கார் வெண்ணைமலை பிரிவு கொங்கு கலை அறிவியல் கல்லூரி முகப்பின் எதிர் திசையில் சென்றபோது, அதே சாலையில் கரூர், மின்னாம்பள்ளி, கவுண்டன்புதூர் பகுதியைச் சேர்ந்த கோகுல் வயது 23 என்பவர் வேகமாக ஓட்டி வந்த சரக்கு வாகனம்,ராஜா ஓட்டிச் சென்ற கார் மீது மோதி விபத்து ஏற்பட்டது. இந்த விபத்தில் காரில் பயணித்த பொன்னம்மாளுக்கும்,காரை ஓட்டிய ராஜாவுக்கும் பலத்த காயம் ஏற்பட்டதால், இருவரையும் மீட்டு கரூர் அமராவதி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக ராஜா அளித்த புகாரில், சம்பவ இடத்திற்கு சென்று விசாரணை மேற்கொண்ட காவல்துறையினர், இது தொடர்பாக சரக்கு வாகனத்தை வேகமாக ஓட்டி விபத்து ஏற்படுத்திய கோகுல் மீது வழக்கு பதிவு செய்துள்ளனர் வெங்கமேடு காவல்துறையினர்.