கீழமைக்கேல்பட்டியில் உதயநிதி ஸ்டாலின் பிறந்தநாள், திராவிட மாடல் சாதனை விளக்க தெருமுனைப் பிரச்சாரக் கூட்டம் 

அரியலூர், டிச.24- தா.பழூர் கிழக்கு ஒன்றிய கழகத்தின் சார்பில், கீழமைக்கேல்பட்டியில் திமுக இளைஞரணி செயலாளரும்  துணை முதலமைச்சருமான  உதயநிதி ஸ்டாலின் பிறந்தநாள் திராவிட மாடல் அரசின் சாதனை விளக்க தெருமுனைப் பிரச்சாரக் கூட்டம் ஒன்றிய கழக செயலாளரும் எம்எல்ஏவுமான க.சொ.க.கண்ணன்  தலைமையில் நடைபெற்றது. முன்னதாக மாவட்ட இலக்கிய அணி துணை அமைப்பாளரும் ஒன்றிய குழு உறுப்பினருமான மு.முருகானந்தம் வரவேற்று பேசினார்.திமுக  கொள்கைபரப்பு துணை செயலாளரும், தலைமை கழக பேச்சாளருமான சேர்க்காடு கென்னடி ,தலைமை கழக இளம் பேச்சாளர் வா.சந்தானலெட்சுமி  ஆகியோர் சிறப்புரையாற்றி பேசினர். நிகழ்ச்சியில் பொதுக்குழு முன்னாள் உறுப்பினரும், ஒன்றிய குழு உறுப்பினருமான இரா.அண்ணாதுரை, மாவட்ட விவசாய தொழிலாளர் அணி அமைப்பாளர் என்.ஆர்.இராமதுரை, அவைத்தலைவர் எஸ்.சூசைராஜ், துணைச் செயலாளர்கள் க.சாமிதுரை, அ.இராஜேந்திரன், இந்துமதி நடராஜன், ஒன்றிய பொருளாளர் த.நாகராஜன், மாவட்ட பிரதிநிதி சி.கண்ணதாசன், மாவட்ட அணி துணை அமைப்பாளர்கள் க.சம்மந்தம், எழிலரசி அர்ச்சுனன் உள்ளிட்ட  கட்சி நிர்வாகிகள்  கிளை செயலாளர்கள், பொதுமக்கள் என பலரும் கலந்துகொண்டனர்.முடிவில் கிளை செயலாளர் பீட்டர் நன்றி கூறினார்.