சிவகிரி முதல்நிலைக் காவலரின் புகாா் பொய்யானது: மாவட்ட காவல் துறை

தென்காசி மாவட்டம் புளியங்குடி உள்கோட்டத்திற்குள்பட்ட சிவகிரி காவல் நிலைய முதல்நிலைக் காவலா் பிரபாகரன் சமூக வலைதளங்களில் பரப்பி வரும் புகாா்கள் பொய்யானவை என மாவட்ட காவல் துறை தெரிவித்துள்ளது. இது தொடா்பாக மாவட்ட காவல் துறை சாா்பில் வெளியிடப்பட்டுள்ள செய்திக்குறிப்பில் கூறப்பட்டுள்ளதாவது: சிவகிரி காவல் நிலைய முதல்நிலைக் காவலா் பிரபாகரன் பெயரில், பணியிலிருந்து விடுவிக்கக் கோரும் கையொப்பமிடாத மனுவும், தொலைக்காட்சிக்கு காணொலி வாயிலாக பேட்டி கொடுத்த விடியோவும் சமூக வலைதளங்களில் பரவிவந்தது. இது தொடா்பாக தென்காசி மாவட்ட கூடுதல் கண்காணிப்பாளா் (பெண்களுக்கு எதிரான குற்றங்கள் பிரிவு) ரமேஷ் விசாரணை மேற்கொண்டாா். இதில், சமூக வலைதளங்களில் வெளியான, காவலா் கூறிய புகாா்கள் அனைத்தும் உண்மைக்குப் புறம்பானவை. மேலும், காவலா் கொடுத்த மனுவில் உயா் அதிகாரிகள் பற்றி உண்மைக்கு புறம்பான தகவல்களை சித்திரித்து எழுதியுள்ளாா். பிரபாகரன் கடந்த 1.3.2023ஆம் தேதிமுதல் விட்டோடியாகி 4.10.2024ஆம் தேதி பணிக்கு அறிக்கை செய்துள்ளதோடு, காவலா்கள் வெளிநாடு செல்வது குறித்து தவறான தகவல்களை சமூக வலைதளத்தில் பரப்பிய செயல்களுக்காக துறை ரீதியான நடவடிக்கை எடுக்கப்பட்டுள்ளது. இதனால் உயா் அதிகாரிகள் மீது உண்மைக்குப் புறம்பான தகவல்களை சித்திரித்து, கையொப்பமிடாத மனுவை காவல்துறை தலைமை இயக்குநருக்கு அனுப்பியதாகவும், சமூக வலைதளங்களில் பேட்டி கொடுத்த விடியோவையும் அனுப்பியுள்ளாா். இது தொடா்பாக முதல்கட்ட விசாரணை நடத்தியதில், குற்றச்சாட்டுகள் அனைத்தும் பொய் என தெரியவருகிறது. எனினும், விரிவான விசாரணை நடத்தப்பட்டு, அதன் முடிவில் நடவடிக்கை எடுக்கப்படும் என செய்திக்குறிப்பில் கூறப்பட்டுள்ளது.