தடுப்பு சுவரில் மோதி டூவீலர் விபத்து ஒருவர் உயிரிழப்பு

போச்சம்பள்ளி அருகே சிவம்பட்டி கிராமத்தை சேர்ந்தவர் கலையரசன், இவர் மத்தூரில் தாபா ஹோட்டல் நடத்தி வருகிறார். அங்கேயே குடும்பத்துடன் தங்கியுள்ளார். இன்று, தனது டுவீலரில் அரூர் சென்றார். திரும்பி வரும் போது. அரூரை சேர்ந்த மங்கை என்ற பெண் அவரிடம் லிப்ட் கேட்டு பின்னால் அமர்ந்து சென்றுள்ளார். சேலம் சாலையில் வந்து கொண்டிருந்த போது, நம்பிபட்டி தனியார் கல்லூரி அருகே தடுப்பு சுவரில் டுவீலர் மோதி விபத்துக்குள்ளானது. இதில் தலையில் அடிபட்ட கலையரசன் பலத்த காயமடைந்து சம்பவ இடத்திலேயே உயிரிழந்தார். பின்னால் அமர்ந்து வந்த மங்கைக்கு பலத்த காயம் ஏற்பட்டு, அரூர் அரசு மருத்துவமனையில் சிகிச்சை பெற்று வருகிறார். இது குறித்து தகவல் அறிந்த, கோபிநாதம்பட்டி போலீசார் சம்பவ இடத்திற்கு சென்று உடலை கைப்பற்றி, அரூர் அரசு மருத்துவமனைக்கு பிரேத பரிசோதனைக்கு அனுப்பி வைத்தனர். மேலும், இது குறித்து விசாரணை நடத்தி வருகின்றனர்