செம்மடை அருகே டூவீலர் மீது சரக்கு வாகனம் மோதி விபத்து. ஒருவர் படுகாயம்.

செம்மடை அருகே டூவீலர் மீது சரக்கு வாகனம் மோதி விபத்து. ஒருவர் படுகாயம். கரூர் மாவட்டம், மன்மங்கலம் தாலுக்கா, ராமேஸ்வரபட்டி பகுதியைச் சேர்ந்தவர் சாமியப்பன் வயது 58. இவர் ஜனவரி 6ஆம் தேதி மதியம் 3 மணி அளவில், செம்மடையில் இருந்து வடுகப்பட்டி செல்லும் சாலையில் அவரது டூவீலரில் சென்று கொண்டு இருந்தார். அப்போது அதே சாலையில் TN 47 BW 4819 என்ற எண் கொண்ட பொலிரோ சிட்டி பிக்கப் என்ற வாகனத்தை ஓட்டி வந்த நபர், சாமியப்பன் ஓட்டிச் சென்ற டூவீலர் மீது மோதி விபத்து ஏற்பட்டது. இந்த விபத்தில் நிலை தடுமாறி கீழே விழுந்த சாமியப்பனுக்கு இடதுபுற தலையிலும், இடது கையிலும் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள ராமகிருஷ்ணா மருத்துவமனையில் சிகிச்சைக்காக அனுமதித்தனர். இச்சம்பவம் அறிந்த சாமியப்பனின் மனைவி கனிதா வயது 40 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக சரக்கு வாகனத்தை வேகமாகவும், அஜாக்கிரதையாகவும் ஓட்டி விபத்து ஏற்படுத்திய சரக்கு வாகன ஓட்டுனர் மீது வழக்கு பதிவு செய்துள்ளனர் வாங்கல் காவல்துறையினர்.