ஜெயங்கொண்டம்-சுகாதாரமற்ற சாலையில் அமர்ந்து பள்ளி மாணவர்கள் உணவு அருந்தும் வீடியோ சமூக வலைதளங்களில் வைரல்

அரியலூர், பிப்.12- அரியலூர் மாவட்டத்தில் முக்கிய சுற்றுலாத் தலமாக உள்ள கங்கைகொண்ட சோழபுரம் பிரகதீஸ்வரர் ஆலயத்திற்கு நேற்று அப்பகுதியை சேர்ந்த அரசு பள்ளி மாணவர்கள் சுற்றுலாவாக வந்து கோவிலின் அழகு மற்றும் ராஜேந்திர சோழனின் பெருமைகளை பார்த்து ரசித்தனர் இந்நிலையில் மதிய உணவு அருந்துவதற்காக மாணவர்கள் கோவில் வளாகத்தில் அமர்ந்த போது கோவில் வளாகத்தில் உணவருந்தக் கூடாது என கோவில் நிர்வாகத்தினர் கூறியதாக கூறப்படுகிறது இதனால் மாணவர்கள் மற்றும் மாணவர்களுடன் வந்த ஆசிரியர்கள் கோவில் முன்பு சுகாதாரமற்ற குப்பை கூலமாக இருந்த சாலை மற்றும் ஏரியின் அருகில் அமர்ந்தும் நின்றவாறு உணவருந்திய வீடியோ தற்போது சமூக வலைத்தளத்தில் வைரலாகி வருகிறது