சேலம் கிழக்கு மாவட்ட தி.மு.க. செயற்குழு கூட்டம் எஸ்.ஆர்.சிவலிங்கம் தகவல்

சேலம் கிழக்கு மாவட்ட தி.மு.க. செயலாளர் எஸ்.ஆர்.சிவலிங்கம் வெளியிட்டுள்ள அறிக்கையில் கூறியிருப்பதாவது:- சேலம் கிழக்கு மாவட்ட தி.மு.க. செயற்குழு கூட்டம் வாழப்பாடியில் உள்ள சேலம் கிழக்கு மாவட்ட தி.மு.க. அலுவலகமான தளபதி மு.க.ஸ்டாலின் அறிவாலயத்தில் உள்ள கலைஞர் அரங்கில் நாளை மறுநாள் (ஞாயிற்றுக்கிழமை) காலை 10 மணிக்கு நடக்கிறது. மாவட்ட அவைத்தலைவர் கருணாநிதி தலைமை தாங்குகிறார். கூட்டத்தில் மாவட்ட நிர்வாகிகள், தலைமை செயற்குழு, பொதுக்குழு உறுப்பினர்கள், முன்னாள், இந்நாள் சட்டசபை, நாடாளுமன்ற உறுப்பினர்கள் மற்றும் கட்சியின் அனைத்து பிரிவு நிர்வாகிகளும் திரளாக கலந்து கொள்ள வேண்டும். இவ்வாறு அந்த அறிக்கையில் கூறப்பட்டுள்ளது.