புளியங்குடி அருகே லாரி மோதி சிறுவன் உயிரிழப்பு

தென்காசி மாவட்டம் வாசுதேவநல்லூர் அருகில் உள்ள புளியங்குடி பகுதியில் சிந்தாமணி, சான்றோா் மடத்துத் தெருவைச் சோ்ந்த தம்பதி கோபாலகிருஷ்ணன்- சகாயமேரி. அங்குள்ள பள்ளியில் இவா்களது மூத்த மகன்கள் பிரனவ் கிருஷ்ணா (6), ஒன்றாம் வகுப்பு படித்து வருகிறாா்; இளைய மகன் தா்னிஷ் கிருஷ்ணா (4), எல்கேஜி படித்து வந்தாா். பள்ளி முடிந்ததும் நேற்று மாலையில் சகாயமேரி தனது மகன்களை வீட்டுக்கு அழைத்துச் சென்று கொண்டிருந்தாா். சாலையின் எதிா்புறத்தில் நின்றிருந்த தனது தாத்தாவைப் பாா்த்ததும் தா்னிஷ் கிருஷ்ணா அவரை நோக்கி ஓடினானாம். அப்போது, புளியங்குடியிலிருந்து ராஜபாளையத்துக்கு சென்ற லாரி, தா்னிஷ் கிருஷ்ணா மீது மோதியதாம். இதில், அவா் உயிரிழந்தாா். இதுகுறித்து புளியங்குடி போலீஸாா் வழக்குப் பதிந்து விசாரித்து வருகின்றனா்.