மதுரையில் முதல்வர் வருகையால் போக்குவரத்து மாற்றம்.

மதுரைக்கு இன்று( மே.31)வரும் தமிழக முதல்வர் ஸ்டாலின் அவர்கள் முதல்வர் மாலையில் அவனியாபுரம் பகுதியில் தொடங்கும் "ரோட் ஷோ" நிகழ்வில் கலந்து கொள்வதால் போக்குவரத்து காவல்துறை சில சாலைகளில் பாதுகாப்பு முன்னெச்சரிக்கை நடவடிக்கையாகப் போக்குவரத்து மாற்றங்களை அறிவித்துள்ளது. இன்று காலை 6 மணி முதல் வாகன இயக்கத் தடை: சாலைப் பேரணி வழித்தடம்: அவனியாபுரம் மருதுபாண்டியர் சிலையிலிருந்து ஜெயவிலாஸ் சந்திப்பு வரை நடைபெறும் சாலைப் பேரணியின்போது, குறிப்பிட்ட பகுதிகளில் வாகனங்கள் நிறுத்த அனுமதி இல்லை. தடைசெய்யப்பட்ட பகுதிகள்: பெருங்குடி சந்திப்பு, வில்லாபுரம் ஆர்ச், ஜெயவிலாஸ் சந்திப்பு, ஜெய்ஹிந்துபுரம், சந்தர்ராஜபுரம், மாடக்குளம், பழங்காநத்தம், பைபாஸ் ரோடு, காளவாசல், திண்டுக்கல் சாலை உள்ளிட்ட பகுதிகளில் வாகனங்கள் நிறுத்தக் கூடாது. நகருக்குள் நுழைய தடை: பெருங்குடி, அவனியாபுரம், வில்லாபுரம் வழியாக நகருக்குள் நுழையும் வாகனங்களுக்கு அனுமதி இல்லை. மாற்றுப் பாதைகள்: விமான நிலையம் செல்பவர்கள்: தெற்குவாசல் - சிந்தாமணி ரிங் ரோடு வழியாகச் செல்லலாம். திருப்பரங்குன்றம் செல்பவர்கள்: அருப்புக்கோட்டை ரிங் ரோடு வழியாகச் செல்லலாம். இது போல சிலை திறப்பு பகுதிகளில் போக்குவரத்து மாற்றங்கள் செய்யப்பட்டுள்ளன.