பறந்து போ பட வெற்றி: இயக்குநர் ராம் எதிர்காலத் திட்டங்களை பகிர்ந்தார்!

கோவை விமான நிலையத்தில் "பறந்து போ" படத்தின் இயக்குநர் ராம் மற்றும் நடிகர் சிவா செய்தியாளர்களை சந்தித்தனர். இது வரை நான்கு படங்கள் இயக்கிய ராம், ஐந்தாவது படமாக பறந்து போவை உருவாக்கியுள்ளார். இந்த படம் உலகளவில் வெற்றி பெற்றுள்ளதாகவும், இந்த வெற்றி எதிர்காலத்திற்கான கதவுகளை திறந்துவைத்துள்ளதாகவும் அவர் கூறினார். கோவையில் தான் இந்தக் கதையை உருவாக்கியதும், முதல் நாள் படப்பிடிப்பு கோவையிலேயே நடைபெற்றதையும் அவர் தெரிவித்தார். படம் சிறந்த வரவேற்பு பெற்றதற்காக மக்களுக்கு நன்றி தெரிவித்தார். தான் எப்போதும் சீரியஸான படங்களை இயக்கினாலும், பறந்து போ போன்ற கலகலப்பான படத்தை கொடுக்க கோவையின் மக்களின் உற்சாகம் தான் காரணம் என்றும், நடிகர் சிவாவின் தனித்தன்மையை கதையில் வைத்து பயன்படுத்தியதாகவும் கூறினார். இனி பேய் படங்கள் உள்ளிட்ட புதிய முயற்சிகள் செய்ய திட்டமிட்டுள்ளதாகவும், படங்கள் வெளியிடும் இடைவெளி குறையும் என்றும் ராம் உறுதி அளித்தார். நடிகர் சிவாவும் இயக்குநர் ராம் மீது எதிர்பார்ப்பை வெளிப்படுத்தி, தொடர்ந்து அதிகப்படிகளை இயக்க வேண்டும் எனக் கேட்டுக்கொண்டார். முழு குடும்பத்தோடு பார்க்கக்கூடிய, வாழ்க்கையை கொண்டாடும் படம் தான் பறந்து போ என இயக்குநர் ராம் தெரிவித்துள்ளார்.