பராமரிப்பு பணி காரணமாக ஈரோடு-ஜோலார்பேட்டை பாசஞ்சர் ரெயில் மொரப்பூர் வரை மட்டுமே இயக்கப்படும்

சேலம்-ஜோலார்பேட்டை வழி மார்க்கத்தில் அமைந்துள்ள தாசம்பட்டி- சாமல்பட்டி ரெயில் நிலையங்களுக்கு இடையே உள்ள பாலத்தில் பராமரிப்பு பணிகள் நடைபெற உள்ளன. இதையொட்டி ஈரோட்டில் இருந்து காலை 6 மணிக்கு புறப்படும் ஈரோடு-ஜோலார்பேட்டை பாசஞ்சர் ரெயில் (56108) இன்று (சனிக்கிழமை), வருகிற 1, 2 ஆகிய தேதிகளில் ஈரோடு முதல் மொரப்பூர் வரை மட்டுமே இயக்கப்படும், இந்த ரெயில் மொரப்பூர் முதல் ஜோலார்பேட்டை வரை இயங்காது. இதேபோல் மறு மார்க்கத்தில் ஜோலார்பேட்டையில் இருந்து மதியம் 2.45 மணிக்கு புறப்படும் ஜோலார்பேட்டை- ஈரோடு பாசஞ்சர் ரெயில் (56107) இன்று (சனிக்கிழமை), வருகிற 1,2 ஆகிய தேதிகளில் ஜோலார்பேட்டை முதல் மொரப்பூர் வரை இயங்காது. இந்த ரெயில் மொரப்பூர் முதல் ஈரோடு வரை மட்டுமே இயக்கப்படும் என்று சேலம் ரெயில்வே கோட்ட அலுவலக செய்திக்குறிப்பில் கூறப்பட்டுள்ளது.