பரமத்திவேலூர் பூ ஏலம் மார்க்கெட்டில் குண்டு மல்லி ரூ 2000-திற்கு ஏலம்.

நாமக்கல் மாவட்டம், பரமத்திவேலூர் வட்டாரத்தில் ஆனங்கூர், அய்யம்பாளையம், நெட்டையம்பாளையம், அண்ணா நகர், கோப்பணம்பாளையம், கபிலர்மலை, குஞ்சாம்பாளையம், நடத்தை, குப்புச்சிபாளையம், பொய்யேரி‌ உள்ளிட்ட சுற்று வட்டாரப் பகுதிகளில் பல்வேறு வகையான பூக்கள் பயிர் செய்யப்பட்டுள்ளது. இங்கு விளையும் பூக்களை விவசாயிகள் பரமத்தி வேலூரில் உள்ள தினசரி பூக்கள் ஏல சந்தைகளுக்கு கொண்டு வருகின்றனர். கடந்த வாரம் முன்பு நடைபெற்ற ஏலத்தில் குண்டு மல்லி கிலோ ரூ.800- க்கும், சம்பங்கி கிலோ ரூ.50- க்கும், அரளி கிலோ ரூ.120- க்கும், ரோஜா கிலோ ரூ.200- க்கும், பச்சை முல்லைப் பூ கிலோ ரூ.700- க்கும், வெள்ளை முல்லைப் பூ கிலோ ரூ.500- க்கும், செவ்வந்திப்பூ கிலோ ரூ.150- க்கும், கனகாம்பரம் கிலோ ரூ.600-க்கும், பன்னீர் ரோஜா கிலோ ரூ.100- க்கும், காக்கரட்டான் பூ கிலோ ரூ. 400- க்கும் ஏலம் போனது. இன்று நடைபெற்ற ஏல‌த்தில் குண்டு மல்லி கிலோ ரூ.2 ஆயிரத்திற்கும் , சம்பங்கி கிலோ ரூ.140- க்கும், அரளி கிலோ ரூ.200- க்கும், ரோஜா கிலோ ரூ.280- க்கும், பச்சை முல்லைப் பூ கிலோ ரூ. 1,200-க்கும், வெள்ளை முல்லைப் பூ கிலோ ரூ.1,000- க்கும், செவ்வந்தி பூ கிலோ ரூ.200- க்கும், கனகாம்பரம் கிலோ ரூ.1,000-க்கும், பன்னீர் ரோஜா கிலோ ரூ. 150- க்கும், காக்கரட்டான் பூ கிலோ ரூ. 800- க்கும் ஏலம் போனது.