பழைய கோட்டையில் 90,000க்கு காங்கேயம் இன மாடு விற்பனை

நத்தக்காடையூர் அருகே பழைய கோட்டை மாட்டுத்தாவணியில் காங்கேயம் இன மாடுகளுக்கான பிரத்தியேக வார சந்தை நடைபெற்றது. இதில் திருப்பூர், ஈரோடு, கரூர், திருச்சி, கோவை உள்பட தமிழகத்தின் பல்வேறு மாவட்டங்களைச் சேர்ந்த விவசாயிகள் மயிலை, செவலை மாடுகள், காரி, பூச்சி மாடுகள், இளங்கன்றுகள் என மொத்தம் 54 காங்கேயம் இன மாடுகளை மட்டும் விற்பனைக்கு கொண்டு வந்தனர். இந்த சந்தையில் நேற்று அதிகபட்சமாக காங்கேயம் இன காரி பசுமாடு ரூ.90 ஆயிரத்திற்கு விற்பனை செய்யப்பட்டது. மேலும் நேற்று ஒரே நாளில் 26 காங்கேயம் இன மாடுகள் மொத்தம் ரூ 11 லட்சத்துக்கு விற்பனை செய்யப்பட்டுள்ளது என்பது குறிப்பிடத்தக்கது.