100 சதவீத வாக்குப்பதிவு விழிப்புணர்வு நிகழ்ச்சி!

ராணிப்பேட்டை மாவட்டம் விளாப்பாக்கம் மகாலட்சுமி செவிலியர் கல்லூரியில் நாடாளுமன்ற தேர்தலில் 18 வயதிற்கு மேல் உள்ள அனைவரும் 100 சதவீதம் வாக்களிக்க வேண்டும் என்பதை வலியுறுத்தி விழிப்புணர்வு நிகழ்ச்சி நடைபெற்றது. அப்போது, பொதுமக்களுக்கு வாக்களிப்பதன் முக்கியத்துவம் குறித்தும், 18 வயதிற்கு மேல் உள்ளவர்கள் 100 சதவீதம் வாக்களிக்கும் வகையில் கல்லூரியின் மாணவிகளுக்கு கோலப்போட்டி மற்றும் ஓவிய போட்டி நடந்தது. மாவட்ட வழங்கல் மற்றும் நுகர்வோர் பாதுகாப்பு அலுவலர் ஏகாம்பரம் தலைமையில் நடைபெற்ற இந்த நிகழ்ச்சியில் 100 சதவீதம் வாக்களிப்போம், வாக்களிப்பது எங்கள் கடமை, ஜனநாயகத்தை காக்க வாக்களிப்போம் என்கிற துண்டு பிரசுரம் மாணவிகளுக்கு வழங்கப்பட்டது. மேலும் 100 சதவீதம் வாக்களிப்போம் என்கிற உறுதிமொழியும் எடுக்கப்பட்டது.