திருப்பூரில் கஞ்சா விற்ற 2 பேர் கைது

திருப்பூர் தெற்கு போலீசார் மத்திய பேருந்து நிலையத்தில் ரோந்து பணியில் ஈடுபட்டிருந்தனர். அப்போது சந்தேகத்திற்கிடமான  நபரை பிடித்து விசாரணை மேற்கொண்டனர்.

விசாரணையில் அவர் பிரபாகரன் (37) என்பதும் , கஞ்சா விற்பனையில் ஈடுபட்டு வந்ததும் தெரிய வந்தது. பிரபாகரனை கைது செய்து அவரிடமிருந்த 300 கிராம் கஞ்சாவை பறிமுதல் செய்தனர். இதேபோல் மத்திய போலீசார் வாகன சோதனையில் ஈடுபட்டிருந்தபோது சந்தேகம் படும்படி வந்த வாலிபரை பிடித்து விசாரணை மேற்கொண்டனர்.

விசாரணையில் அவர் மங்கலத்தைச் சேர்ந்த தணிகைவேல் (30) என்பதும் , அவரிடம் கஞ்சா இருந்தது தெரியவந்தது. அவரை கைது செய்து அவரிடமிருந்து 150 கிராம் கஞ்சாவை பறிமுதல் செய்துள்ளனர்.