ரேஷன் அரிசி கடத்தலில் ஈடுபட்ட 3 பேர் கைது - 1 டன் அரிசி பறிமுதல்

தமிழகத்தில் அத்தியாவசிய பொருட்கள் பதுக்கப்படுவதை கண்காணிக்கும் பொருட்டு, சென்னை உணவு கடத்தல் பிரிவு தலைவர் நிர்மல் குமார் ஜோஷி உத்தரவுப்படியும் , மதுரை மண்டல உணவுப்பொருள் தடுப்பு காவல் கண்காணிப்பாளர் விஜய கார்த்திக் ராஜ், மதுரை சரக டிஎஸ்பி ஜெகதீசன் உத்தரவுப்படி மதுரை உணவு கடத்தல் பிரிவு ஆய்வாளர் செந்தில்குமார் மற்றும் சக போலீசார் தலைமையில் மதுரை சிந்தாமணி பகுதியில் வாகன சோதனை செய்து கொண்டிருந்தனர். அப்போது அவ்வழியாக வந்த சரக்கு வாகனத்தை சோதனை செய்த போது வாகனத்தில் 1040 கிலோ ரேஷன் அரிசி கடத்தி கொண்டு வந்தது கண்டுபிடிக்கப்பட்டது. மேலும் ரேசன் அரிசியை கடத்திய மதுரையைச் சேர்ந்த கண்ணன், ராஜேஷ், மற்றும் நாகேந்திரன் ஆகிய மூன்று பேரை கைது செய்து கடத்தல் அரிசி மற்றும் வாகனத்தைப் பறிமுதல் செய்தனர்.இதுகுறித்து வழக்குப் பதிவு செய்து இவ்வழக்கில் தொடர்புடைய இரண்டு நபர்களைத் தேடி வருகின்றனர்