ஆலங்குளம் அருகே சட்டவிரோத மது விற்ற 4 பேர் கைது
ஆலங்குளம் அருகே பாவூர்சத்திரத்தில் சட்டவிரோத மது விற்பனையில் ஈடுபட்ட 4 பேரை கைது செய்த போலீசார் அவர்களிடமிருந்து 310 மதுபாட்டில்களை பறிமுதல் செய்தனர்.
Update: 2024-04-23 08:16 GMT
பைல் படம்
தென்காசி மாவட்டம் ஆலங்குளம் அருகே பாவூர்சத்திரம் சாலடியூர் விலக்கில் போலீசார் திடீர் வாகன சோதனை ஈடுபட்டனர். அப்போது 3 பைக்குகளில் சென்ற நான்கு பேரை தடுத்து சோதனை செய்தபோது அவர்கள் 43 ஆயிரம் ரூபாய் மதிப்பிலான 310 மது பாட்டில்களை கடத்திச் சென்றது தெரிய வந்தது. இதில் மது பாட்டில்கள் கடத்திய ஆவுடையானூர் செல்வன் (52), லட்சுமியூர் சுடலை முருகன் (36), கல்லூரணி ஆனந்த் (35), கீழப்பாவூர் ராமராஜன் (42) ஆகியோரை கைது செய்தனர். இது குறித்து பாவூர்சத்திரம் போலீசார் வழக்கு பதிவு செய்து விசாரணை மேற்கொண்டு வருகின்றனர் என்பதும் குறிப்பிடத்தக்கது.