மீன் பிடிக்க சென்ற சிறுவன் குளத்தில் மூழ்கி உயிரிழப்பு !

பூவிருந்தவல்லி அடுத்த பாரிவாக்கம் பகுதியை சேர்ந்தவர் இளங்கோவன். இவரது ஆறு வயது  மகன் சுஜித் அருகே உள்ள அரசு பள்ளியில் ஒன்றாம் வகுப்பு படித்து வருகிறான். இன்று காலை அருகே உள்ள குளத்தில் பக்கத்து வீட்டுக்காரர் மீன்பிடிக்க சென்று இருந்த நிலையில் இதனை கண்ட சிறுவன் சுஜித் தானும் மீன்பிடிக்க செல்வதாக அவரது பாட்டியிடம் கூறிவிட்டு பக்கத்து வீட்டு நபருடன் சென்றுள்ளார். பக்கத்து வீட்டுக்காரர் சிறுவனை குளத்தின் படிக்கட்டில் அமர வைத்துவிட்டு மீன் பிடிக்க தேவையான புழுக்களை கொண்டு வர சென்றுள்ளார். பின்னர் திரும்பி வந்து பார்த்தபோது சிறுவன் அங்கு இல்லாததை கண்டு அதிர்ச்சி அடைந்து உடனடியாக அவர் வீட்டிற்கு தகவல் சொல்லியுள்ளார். பின்னர் சிறுவனின் பெற்றோரும் அக்கம் பக்கத்தில் தேடிவிட்டு பின்பு குளத்தில் தேடி உள்ளனர். அப்போது குளத்தில் சிறுவர்களின் உடல் கண்டெடுக்கப்பட்டது. இதை அடுத்து அருகில் இருந்தவர்கள் உடனடியாக பூவிருந்தவல்லி அரசு மருத்துவமனையில் சிகிச்சைக்காக சிறுவனை சேர்த்தனர். அப்போது சிறுவனை பரிசோதித்த மருத்துவர்கள் இறந்து விட்டதாக தெரிவித்தனர் இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.