அமராவதி பாலத்தில் பெண் ஓட்டிச் சென்ற டூவீலர் மீது பார்சல் லாரி மோதி விபத்து

கரூர் மாவட்டம், டி. செல்லாண்டி பாளையம், அம்மன் நகர், ஐந்தாவது கிராஸ் பகுதியைச் சேர்ந்தவர் முருகானந்தம் மனைவி சுகன்யா வயது 33. இவர் ஜூன் 17ஆம் தேதி மதியம் ஒரு மணி அளவில், திருச்சி - கரூர் சாலையில் உள்ள திருமாநிலையூர் அருகே உள்ள அமராவதி பாலத்தில் தனது டூவீலரில் சென்று கொண்டு இருந்தார். அப்போது,அதே சாலையில் மதுரை மாவட்டம், தாதனேரி சாலையில் உள்ள பாரதிநகர் பகுதியைச் சேர்ந்த விஜயன் வயது 38 என்பவர் வேகமாக ஓட்டி வந்த பார்சல் லாரி, சுகன்யா ஓட்டி சென்ற டூவீலரின் பின்னால் மோதி விபத்து ஏற்பட்டது. இதில் தலையில் பலத்த காயம் அடைந்த சுகன்யாவை மீட்டு தனியார் ஆம்புலன்ஸ் மூலம், கரூர் அரசு மருத்துவக் கல்லூரி மருத்துவமனையில் சிகிச்சைக்காக அனுமதித்தனர். இந்த சம்பவம் தொடர்பாக சுகன்யா அளித்த புகாரின் பேரில், சம்பவ இடத்திற்கு சென்று விசாரணை மேற்கொண்ட காவல்துறையினர், பார்சல் லாரியை விபத்து ஏற்படும் வகையில் ஓட்டிய விஜயன் மீது வழக்கு பதிவு செய்துள்ளனர் பசுபதிபாளையம் காவல்துறையினர்.