நத்தம் அருகே மாணவர்களுக்கு அனுபவச்சான்று வழங்கல்

திண்டுக்கல் மாவட்டம், நத்தம் அருகேயுள்ள குட்டூரில் உள்ள கரந்தலைச்சாரல் விவசாயிகள் உற்பத்தியாளர்கள் நிறுவனத்தில் வேளாண்மை மேம்பாட்டு நிறுவனத்தின் மூலம் எஸ்.ஆர்.எஸ் விவசாயக்கல்லூரி மாணவர்களுக்கு கிராமப்புற விவசாயம் பற்றிய அனுபவச்சான்று வழங்கப்பட்டது. 

இந்நிகழ்ச்சியின் நத்தம் வேளாண்மை பொறியியல்துறை உதவிப்பொறியாளர் சரவணமுத்து கலந்து கொண்டு மாணவர்களுக்கு விவசாயம் குறித்து ஆலோசனைகளை வழங்கினார். இதேபோல் நத்தம் வேளாண்மை துறை வேளாண்மை அலுவலர் தாரணி, உதவி வேளாண்மை அலுவலர் கோபிநாத் ஆகியோர் மாணவர்களுக்கு சான்றிதழ் வழங்கினர்.

பின்னர் எஸ்.ஆர்.எஸ் வேளாண்மை கல்லூரி மாணவர்களுக்கு நத்தம் பகுதியில் உள்ள தென்னை, மா மரங்கள் மற்றும் பயிர்களுக்கு வழங்க வேண்டிய உரம் மற்றும் நோய்களை கட்டுப்படுத்துதல் குறித்து எடுத்துரைத்து செயல்முறை விளக்கம் அளிக்கப்பட்டது.