திருத்தணியில் கத்தியை காட்டி மிரட்டிய வாலிபர் கைது.

திருத்தணி- அரக்கோணம் சாலை, அரசு போக்குவரத்து பணிமனை பின்புறம், நேற்று காலை வாலிபர் ஒருவர், அவ்வழியாக செல்லும் பொதுட மக்களை வழிமடக்கி தகராறு செய்தும் கத்தியை காட்டி மிரட்டி பணம் பறித்து, மிரட்டல் விடுத்து வந்தார். இது குறித்து அப்பகுதி மக்கள் திருத்தணி போலீசாருக்கு தகவல் கொடுத்தனர். இதையடுத்து, திருத்தணி சிறப்பு எஸ்.ஐ.,வேலு மற்றும் இரண்டு போலீசார் சென்றனர். போலீசாரையும் அந்த வாலிபர் கத்தியை காண்பித்து, மிரட்டி தப்பியோட முயன்ற போது, பொதுமக்கள் உதவியுடன் போலீசார் வாலிபரை பிடித்து கத்தியை பறிமுதல் செய்தனர். விசாரணையில், திருத்தணி சித்துார் சாலையை சேர்ந்த சாய் கல்யாண், 25 என்று தெரிந்தது. போலீசார், சாய்கல்யாணை கைது செய்தனர்.