கன்னங்குறிச்சியில் கத்தியை காட்டி மிரட்டி பணம் பறித்த வாலிபர் கைது

சேலம் கன்னங்குறிச்சி பகுதியைச் சேர்ந்தவர் கண்ணன். இவர் நேற்று முன்தினம், ஜட்ஜ்ரோடு அருகே நடந்து சென்றார். அப்போது அவ்வழியாக வந்த வாலிபர், திடீரென கண்ணனை வழிமறித்தார். பின்னர், கத்தியை காட்டி மிரட்டி, அவர் வைத்திருந்த 2 ஆயிரம் ரூபாயை பறித்து சென்றார். இதுபற்றிய புகாரின் பேரில், கன்னங்குறிச்சி போலீசார் விசாரணை நடத்தினர். அதில் கண்ணனிடம் பணம் பறித்தது, சேலம் 1வது வார்டு சரவணா நகரைச் சேர்ந்த மணிகண்டன் (35) என்பதும், பிரபல ரவுடி என்பதும் தெரியவந்தது. இதையடுத்து அவரை போலீசார் கைது செய்து, விசாரணை நடத்தி வருகின்றனர்.