ஏற்காடு அருகே விபத்து - 4 பேர் படுகாயம் !

திருப்பூர் மாவட்டம் பல்லடத்தை சேர்ந்தவர் சுப்பிரமணி (வயது 35). இவர் நேற்று காலை தனது லாரியில் பிரிக்ஸ் கற்களை ஏற்றிக்கொண்டு ஏற்காடு அருகே உள்ள நாகலூருக்கு வந்தார். நாகலூர் பஸ் நிறுத்தம் வந்த போது திடீரென லாரியில் பிரேக் பிடிக்காததால் டிரைவரின் கட்டுப்பாட்டை இழந்து அங்கிருந்த டீக்கடைக்குள் புகுந்தது. மேலும் அந்த லாரி சாலையில் கவிழ்ந்து விபத்துக்குள்ளானது. இதில் டீக்கடை உரிமையாளர் ஜான், லாரி டிரைவர் சுப்பிரமணி உள்பட 4 பேர் காயம் அடைந்தனர். அவர்கள் உடனடியாக மீட்கப்பட்டு சிகிச்சைக்காக ஆம்புலன்ஸ் மூலம் நாகலூர் அரசு ஆஸ்பத்திரிக்கு அனுப்பி வைத்தனர். அங்கு அவர்களுக்கு டாக்டர்கள் சிகிச்சை அளித்து வருகின்றனர். இந்த விபத்து குறித்து ஏற்காடு போலீசார் வழக்குப்பதிவு விசாரணை நடத்தி வருகின்றனர்.