சேலத்தில் அரசு பள்ளியில் மாணவர் சேர்க்கை விழா

கெங்கவல்லி: சேலம் மாவட்டம்கெங்கவல்லி தம்மம்பட்டி நடுநிலைப்பள்ளி, நாகியம்பட்டி நடுநிலைப்பள்ளி, தம்மம்பட்டி 8-வது வார்டு தொடக்கப்பள்ளி ஆகிய 3 பள்ளிகளிலும் 1 முதல் 8-ம் வகுப்பு வரை 300-க்கும் மேற்பட்ட மாணவ மாணவிகள் சேர்க்கப்பட்டுள்ளனர். பள்ளிகளில் மாணவர் சேர்க்கைக்கான விழா தம்மம்பட்டி நடுநிலைப்பள்ளியில் நடந்தது. கெங்கவல்லி வட்டார கல்வி அலுவலர் சீனிவாஸ் தலைமை தாங்கினார். பள்ளிகளின் தலைமை ஆசிரியர்கள் அன்பழகன், ராமகிருஷ்ணன், சடையம்மாள், அரிஆனந்த் ஆகியோர் முன்னிலை வகித்தனர். 3 பள்ளிகளிலும் சேர்ந்த 100 மாணவ மாணவிகளுக்கு கல்வி உபகரணங்களை மாவட்ட கல்வி அலுவலர் சந்தோஷ் வழங்கினார். பெற்றோர் ஆசிரியர் கழக தலைவர் பழனிமுத்து நன்றி கூறினார்.