ஜெயங்கொண்டம் அருகே முன்விரோத தகராறு - 5 பேர் கைது

ஜெயங்கொண்டம் மேலக்குடியிருப்பை சேர்ந்த ராஜவேல் மகன் ராஜேஷ் (24) இவர் டாட்டா ஏசி டிரைவராக இருந்து வருகிறார்.இவருக்கும் அதே பகுதிமில் வசிக்கும் கண்டியங்கொல்லை கிராமத்தை சேர்ந்தவர் ராஜேந்திரன் மகன் ஐயப்பன் (34) என்பவருக்கும் கடந்த ஒரு மாதத்திற்கு முன்பு தகராறு ஏற்பட்டு அது சம்பந்தமாக முன்விரோதம் இருந்து வந்தது.

இந்நிலையில் கடந்த 27 ஆம் தேதி அன்று இலையூர் கிராமத்தில் ராஜேஷை தகாத வார்த்தையால் திட்டி மூங்கில் கழியால் ஐயப்பன் அடித்ததில் காயமடைந்த ராஜேஷ் மருத்துவமனையில் சிகிச்சை பெற்று வீடு திரும்பினார். இதுகுறித்து ராஜேஷ் ஜெயங்கொண்டம் போலீஸ் நிலையத்தில் அளித்த புகாரின் பேரில் வழக்கு பதிவு செய்து ஐயப்பன் மற்றும் ஆதிதமிழ்வேந்தன் (28) ஆகிய இருவரையும் கைது செய்து விசாரணை செய்து வருகின்றனர்.

இதே போல் இலையூர் கிராமத்தில் நடைபெற்ற தகராறில் தமிழ்வேந்தனை தகாத வார்த்தைகளால் திட்டி கட்டையால் அடித்து மிரட்டி உள்ளனர் இதுகுறித்து தமிழ்வேந்தன் கொடுத்த புகாரின் பேரில் மேலக்குடியிருப்பு வேலாயுதம் மகன் சூர்யா, ராஜவேல் மகன் ராஜேஷ்(24) ராமசாமி மகன் கலைவாணன் (24) ஆகியோர் மீது வழக்கு பதிவு செய்து கைது செய்து விசாரணை செய்து வருகின்றனர்