ஆட்டோ ஓட்டுனர் மீது தாக்குதல் - வாலிபர் கைது

கன்னியாகுமரி மாவட்டம் நித்திரவிளை அருகே கிழக்கே கலிங்கராஜபுரம் பகுதியை சேர்ந்தவர் பிரசாத்.ஆட்டோ டிரைவர். இவரது அக்கா மகளை கலிங்கராஜபுரம் பகுதியை சேர்ந்த ராஜேஷ் என்பவர் திருமணம் செய்துள்ளார். ராஜேஷுக்கும் அவரது மனைவிக்கும் அடிக்கடி பிரச்னை ஏற்படுமாம். இதனால் ராஜேஷ் மனைவி பிரசாத் வீட்டில் சென்று தங்கியிருந்து வருகிறார்.

இந்நிலையில் நேற்று இரவு 11 மணியளவில் ராஜேஷ், அவரது தந்தை ராதாகி ருஷ்ணன், தாய் ஜெயா ஆகியோர் பிரசாத் வீட் டின் முன்னால் சென்று, பிரசாத்தை அழைத்து பேசியுள்ளனர். இதில் வாக்குவாதம் ஏற்படவே. மூன்று பேரும் சேர்ந்து பிரசாத்தை தாக்கியுள்ளனர். இதில் காயமடைந்த பிரசாத் குழித்துறை அரசு மருத்துவமனையில் சிகிச்சை பெற்று வருகிறார்.இது சம்பந்தமாக நித்திரவிளை போலீசார் ராஜேஷ்,ராதாகிருஷ்ணன்,ஜெயா ஆகியோர் மீது வழக்கு பதிவு செய்து ராஜேஷை கைது செய்தனர்.