மாநகராட்சி நடுநிலைப்பள்ளியில் வானியல் மன்றம் தொடக்கம்

திருநெல்வேலி ஆஸ்ட்ரோ கிளப் சார்பில் டிஏஎஸ்எஸ் மாநில செயற்குழு உறுப்பினர் முத்துசாமி, தூத்துக்குடி மாவட்ட ஆஸ்ட்ரோ கிளப் தலைவர் எழிலன் மற்றும் ஓய்வு பெற்ற நல்லாசியரும் தலைமை ஆசிரியருமான சம்பத் சாமுவேல் ஆகியோர் கலந்துகொண்டு வானில் ஏற்படும் அரிய நிகழ்வுகள், அறிவியல் அறிஞர்கள் பற்றி மிக அழகாகவும் நேர்த்தியாகவும் மாணாக்கருக்கு எடுத்துரைத்தனர். மேலும், தொலைநோக்கி மூலமாக வானை உற்று நோக்க வைத்து ஆர்வப்படுத்தினர். முன்னதாக தலைமை ஆசிரியர் தங்கமணி அனைவரையும் வரவேற்று பேசினார். ஏற்பாடுகளை வட்டாரக் கல்வி அலுவலர் ஜெசுராஜன் செல்வக்குமார் ஆலோசனையின் படி தனலெட்சுமி, விஜயலெட்சுமி, ஜான்சி ராணி, லெட்சுமி, கலைவாணி, ரத்னா, ஜாக்குலின் சோபியா மற்றும் செல்லபெருமா ஆகியோர் செய்திருந்தனர். நிறைவாக ஆசிரியை விஜயலெட்சுமி நன்றியுரை வழங்கினார்.