குமாரபாளையம் விடியல் பவுண்டேசன் அமைப்புக்கு விருது

தஞ்சாவூர் மாவட்டம் தமிழ் பல்கலைக்கழகம் மற்றும் நண்பன் பவுண்டேஷன் அமெரிக்கா சார்பாக நாமக்கல் கவிஞரின் 135 வது பிறந்தநாள் விழா மொழிப் புல அவையகம் தமிழ் பல்கலைக்கழகத்தில் நடைபெற்றது. துணைவேந்தர் வி.திருவள்ளுவன் தலைமையுரை ஆற்றினார். விழாவில் அரசு பள்ளிகளில் விடுதலைக்கு பாடுபட்ட தேசிய தலைவர் பிறந்தநாள் கொண்டாடுதல், மற்றும் கழிப்பறை விழிப்புணர்வு, பனை விதைத்தல், திருக்குறள் போட்டிகள் நடத்துதல், அதிக அளவில் போட்டிகள் வைத்து மாணவர்களை ஊக்கப்படுத்தி வருகின்ற விடியல் ஆரம்பம் பவுண்டேஷன் நிர்வாக இயக்குனர் விடியல் பிரகாஷை பாராட்டி நாமக்கல் கவிஞரின் புதல்வர் ராஜா ராமலிங்கம் சிறந்த சேவையாளர் விருது வழங்கி பாராட்டினார்கள். தொழிலாளர் ஈட்டுறுதிக் கழக மருத்துவமனை இயக்குனர் டாக்டர் ஜெய. ராஜமூர்த்தி சன்மார்க்க மன்ற தலைவர் மருத்துவர் அருள் நாகலிங்கம்,அயல்நாட்டுத் தமிழ்க் கல்வித்துறை தலைவர் இரா. குறிஞ்சிவேந்தன், பா. மஞ்சுளா,நா. சங்கரராமன், ஆகியோர் கலந்து கொண்டனர்.