பெங்களூரு குண்டுவெடிப்பு; தீவிர சோதனைக்கு பின் வாகனங்கள் அனுமதி

பெங்களூரில் நேற்று ஏற்ப்பட்ட குண்டுவெடிப்பை தொடர்ந்து தமிழக மாநில எல்லை ஒசூர், ஜூஜூவாடியில் சோதனைக்கு பின்பே தமிழகத்திற்கு வாகனங்கள் அனுமதி பெங்களூருவில் பிரபலமான ‘ராமேஸ்வரம் கஃபே’ உணவகத்தில் நேற்று பிற்பகலில் திடீரென குண்டுவெடித்ததில் 9 பேர் காயமடைந்தனர்.

இது தொடர்பாக என்ஐஏ, தடயவியல் அதிகாரிகள் விசாரணை மேற்கொண்டு வரும்நிலையில் கிருஷ்ணகிரி மாவட்டம் ஒசூர் மாநகராட்சி தமிழக மாநில எல்லையான ஜூஜூவாடி சோதனைச்சாவடியில் பெங்களூருவிலிருந்து வரக்கூடிய வாகனங்களை போலிசார் சோதனையிட்ட பிறகே அனுமதிக்கப்பட்டு வருகிறது.. குண்டுவெடிப்பு சம்பவத்தில் ஈடுபட்டவர்கள் தமிழகம் தப்பி செல்வதை கண்டுபிடிக்கவும், தமிழகத்தில் குண்டுவெடிப்புக்கள் நிகழாத வகையில் பாதுகாப்பு பலப்படுத்தி வருவதாக போலிசார் தரப்பில் தெரிவிக்கப்பட்டுள்ளது