பாமக வேட்பாளரை ஆதரித்து பென்னாகரம் எம்எல்ஏ பிரச்சாரம்

தர்மபுரி மாவட்டம் பென்னாகரம் சட்டமன்ற தொகுதி கொப்பலூர், சின்னம்பள்ளி, பெரும்பாலை,கொம்பாடியூர், பகுதிகளில் தேசிய கூட்டணி தர்மபுரி நாடாளுமன்ற தொகுதி பாமக வேட்பாளர் சௌமியா அன்புமணியை ஆதரித்து பென்னாகரம் சட்டமன்ற தொகுதி உறுப்பினர் மற்றும் பாமக கௌரவ தலைவருமான ஜிகே.மணி தலைமையில், சௌமியா அன்புமணி மாம்பழம் சின்னத்திற்கு வாக்கு சேகரித்தார்.

அவருக்கு பாட்டாளி மக்கள் கட்சியினர் சார்பில் மலர் தூவி மாலை அணிவித்து உற்சாக வரவேற்பு அளித்தனர். அப்போது பேசிய சௌமியா அன்புமணி காவேரி உபரி நீர் திட்டத்தை செயல்படுத்தவும், தர்மபுரி மாவட்டத்தில் சிப்காட் அமைத்து மாவட்ட இளைஞர்களுக்கு வேலை வாய்ப்பு ஏற்படுத்தி தரவும் எனக்கு நல்வாய்ப்பை நீங்கள் வழங்க வேண்டும் அதற்கு தவறாமல் மாம்பழம் சின்னத்திற்கு வாக்குகள் அளித்து அதிக அளவிலான வாக்குகள் வித்தியாசத்தில் வெற்றி பெற செய்ய வேண்டும் என கேட்டுக் கொண்டார். இந்த நிகழ்ச்சியில் கூட்டணி கட்சி நிர்வாகிகள் பாமக பொறுப்பாளர்கள் என ஏராளமான அரசியல் பிரமுகர்கள் கலந்து கொண்டனர்