450 இடங்களில் பாஜக வெல்லும் - அண்ணாமலை நம்பிக்கை

என் மண் என் மக்கள் பாதயாத்திரை நிகழ்ச்சியில் கலந்து கொள்ள வந்த தமிழக பாஜக தலைவர் அண்ணாமலைக்கு ஜண்டை மேளங்கள் முழங்க பூரண கும்பம் மரியாதை உடன் உற்சாக வரவேற்பு அளிக்கப்பட்டது. அதனைத் தொடர்ந்து இளம்பிள்ளை சந்தைப்பேட்டை பகுதியிலிருந்து பேருந்து நிலையம் வரை நடைபயணமாக சென்ற அண்ணாமலை பொதுமக்களிடையே சிறப்புரையாற்றினார் . அப்போது பேசிய அவர் வருகின்ற நாடாளுமன்றத் தேர்தலில் தமிழகம் உட்பட 450 நாடாளுமன்ற உறுப்பினர்கள் வெற்றி பெற்று மீண்டும் மோடி பிரதமராக வருவார் என்றார். இதில் தமிழக பாஜக துணைத் தலைவர் கே.பி. ராமலிங்கம் உட்பட பாஜக மாவட்ட ஒன்றிய நகர நிர்வாகிகள் பொதுமக்கள் என ஏராளமானோர் கலந்து கொண்டனர்.