கொள்ளிடம் ஆற்றில் அடையாளம் தெரியாத ஆண் சடலமாக மீட்பு

திருச்சி மாவட்டம் மண்ணச்சநல்லூர் அருகே நொச்சியத்தில் உள்ள கொள்ளிடம் ஆற்றில் 45 வயது மதிக்கத்தக்க அடையாளம் தெரியாத ஆண் ஒருவர் சடலமாக மிதப்பதாக மண்ணச்சநல்லூர் போலீசாருக்கு தகவல் கிடைத்தது. தகவலறிந்து சம்பவ இடத்திற்கு சென்ற மண்ணச்சநல்லூர் போலீசார், அவரது உடலை கைப்பற்றி உடற்கூறு ஆய்விற்க்காக ஸ்ரீரங்கம் அரசு மருத்துவமனைக்கு அனுப்பி வைத்தனர். பின்னர் இச்சம்பவம் குறித்து வழக்கு பதிவு செய்த போலீசார் அவர் யார்? எந்த ஊரை சேர்ந்தவர்,ஆற்றில் குளித்தபோது நீரில் மூழ்கி உயிரிழந்தாரா அல்லது ஆற்றில் குதித்து தற்கொலை செய்து கொண்டாரா அல்லது அவரை யாரேனும் அடித்து கொலை செய்தனரா என பல்வேறு கோணங்களில் விசாரணை செய்து வருகின்றனர்.