சூதாட்டத்தில் ஈடுபட்ட 4 பேர் கைது

திருப்பூர் மாவட்டம், காங்கேயம் அடுத்த ஊதியூர், சந்தைப்பேட்டை அருகே கொடுவாய் பகுதியில் சட்டத்திற்கு புறம்பாக  சீட்டாட்டம் நடைபெறுவதாக ஊதியூர் காவல் நிலையத்திற்கு ரகசிய தகவல் கிடைத்தது. இதனை அடுத்து ஊதியூர் போலிசார் சம்பந்தப்பட்ட இடத்தில் அதிரடி சோதனை நடத்தினர்.

அப்போது கொடுவாய் கோட்டைமேடு பகுதியை சேர்ந்த முருகன் வயது 49, புள்ளகாளி பாளையத்தைச் சேர்ந்த அழகிரி வயது 67, செங்காட்டு பாளையம் காலனி பகுதியைச் சேர்ந்த சதீஷ்குமார் வயது 26 மற்றும் கோட்டைமேடு பகுதியைச் சேர்ந்த மாதவன் வயது 54 ஆகியோர் சூதாட்டத்தில் ஈடுபட்டிருந்தனர். எனவே உடனடியாக போலிசார் அவர்களை கைது செய்து அவர்களிடமிருந்து ரூ. 7070 ரொக்கப் பணத்தை பறிமுதல் செய்து வழக்கு பதிவு செய்து விசாரணை நடத்தி வருகின்றனர்.