காரைக்குடி அருகே ப.சிதம்பரத்தை விரட்டியடித்த பொதுமக்கள்

சிவகங்கை மாவட்டம், காரைக்குடி சட்டமன்ற தொகுதிக்கு உட்பட்ட மித்ராவயல் கிராமத்தில் திமுக கூட்டணி சார்பில் போட்டியிடும் காங்கிரஸ் கட்சி வேட்பாளர் கார்த்திக் சிதம்பரத்திற்கு வாக்குகள் சேகரிக்க சென்ற முன்னாள் மத்திய நிதி அமைச்சரும்,

தற்போதைய பாராளுமன்ற உறுப்பினருமான ப.சிதம்பரத்திற்கு கிராம மக்கள் கடுமையாக எதிர்ப்பு தெரிவித்து கிராமத்தில் இருந்து வெளியேற கோசமிட்டனர். இது காங்கிரஸ் கட்சியினர் இடையே மிகுந்த அதிர்ச்சியை ஏற்படுத்தி உள்ளது. சாக்சோட்டை ஒன்றியத்திற்குட்பட்ட மித்ராவயல் கிராமத்தில் தனது மகனுக்கு வாக்கு சேகரிக்கச் சென்ற ப.சிதம்பரத்தை கிராம மக்கள் தொகுதிக்கு எதுவும் செய்யாத நீங்கள் எதற்கு இங்கு வாக்கு சேகரிக்க வருகிறீர்கள்,

உங்கள் மீது கல்லைக் கொண்டு எரிவோம் என மிகவும் ஆக்ரோஷமாக கிராம மக்கள் சிதம்பரத்தை எதிர்த்து பொங்கி எழுந்த சம்பவம் அப்பகுதியில் பரபரப்பு ஏற்படுத்தி உள்ளது.