ஊராட்சியில் கிராமசபை கூட்டம்: கல்லூரி மாணவிகள் பங்கேற்பு

தூத்துக்குடி மாவட்டம், சேர்வைக்காரன்மடம் ஊராட்சியில் குடியரசு தினத்தையொட்டி ஜனவரி 26 கிராமசபை கூட்டம் ஊராட்சி தலைவர் ஜெபக்கனி தலைமையில் நடைபெற்றது. இதில் உப தலைவர் ஏஞ்சலின் ஜெனிட்டா, ஊராட்சி செயலாளர் மாரியம்மாள், வார்டு உறுப்பினர்கள் காளிஸ்வரி வெற்றிவேல், சித்ரா, கோபி, குணபாலன், ஜான்சி, ஹேமா, ஆனந்தராஜ் கலந்து கொண்டனர். இந்நிகழ்வில் தூத்துக்குடி செயின்ட் மேரிஸ் கல்லூரி தாவரவியல் துறை சமுதாய முன்னேற்றபணி சார்பாக பேராசிரியர்கள் ஜெசிந்தா தமிழ்மலர், சாந்தி, ஹெர்மாலின் ஆகியோர் தலைமையில் மாணவிகள் பங்கேற்றனர். மேலும் அரசு தொழிலாளர் நலத்துறை மூலம் அந்த துறையின் பணிகள் குறித்து மக்களுக்கு எடுத்துசொல்லபட்டது. ஊராட்சி பொதுமக்கள் பலர் கலந்துகொண்டு பல்வேறு கோரிக்கைகளை தெரிவித்தனர்.