துறையூர் அருகே காரும் ஆம்னி வேனும் மோதல்: 5 பேர் படுகாயம்

திருச்சி மாவட்டம் ஸ்ரீரங்கம் தாலுகா பாரதி நகரை சேர்ந்தவர் 29 வயதான கோவிந்தராஜ், அதே பகுதி புது தெருவை சேர்ந்தவர் 33 வயதான ஐயப்பன், 39 வயதான ராஜா,30 வயதான கோபாலகிருஷ்ணன் ஆகியோர் புளியஞ்சோலை சுற்றுலா தலத்திற்க்கு சென்று விட்டு திருச்சி நோக்கி ஆம்னி வேனில் வந்து கொண்டிருந்தனர்.

அதேபோல் துறையூர் வடக்கு தெருவை சேர்ந்த 28 வயதான அஜய் பிரசாத் காரில் திருச்சியில் இருந்து துறையூர் நோக்கி சென்று கொண்டிருந்தார். இந்நிலையில் புலிவலம் அருகே திருச்சி துறையூர் சாலையில் உள்ள தனியார் கல்லூரி முன்பு காரும் ஆம்னி வேணும் எதிர்பாராத விதமாக நேருக்கு நேர் மோதிக் கொண்டது.

இதில் காரில் வந்த அஜய் பிரசாத் மற்றும் ஆம்னி வேனில் வந்த நான்கு பேர் உட்பட 5 பேர் படுகாயம் அடைந்தனர் விபத்தைக் கண்ட அக்கம் பக்கத்தினர் விபத்தில் படுகாயமடைந்தவர்களை மீட்டு சிகிச்சைக்காக துறையூர் அரசு மருத்துவமனைக்கு அனுப்பி வைத்தனர்.

இதில் கோபாலகிருஷ்ணன் என்பவர் மேல் சிகிச்சைக்காக திருச்சி அரசு மருத்துவமனைக்கு அனுப்பி வைத்தனர். இந்த விபத்து குறித்து புலிவலம் போலீசார் வழக்கு பதிவு செய்து விசாரணை செய்து வருகின்றனர்.