காங்கிரஸ் கட்சியினர் வெற்றி கொண்டாட்டம்

 கிருஷ்ணகிரி மாவட்டம், ஊத்தங்கரையில் காங்., கட்சியின் சார்பில் லோக்சபா தேர்தலில், கிருஷ்ணகிரி தொகுதி வேட்பாளர் கோபிநாத் வெற்றி பெற்றதை, அக்கட்சியினர் பட்டாசு வெடித்து இனிப்புகள் வழங்கி கொண்டாடினர். நிகழ்ச்சிக்கு, அகில இந்திய காங்., கமிட்டி உறுப்பினர் குமரேசன் தலைமை வகித்தார்.

வட்டாரத் தலைவர் ரவி, திருமால், நகரத் தலைவர் விஜயகுமார், பூக்கடை மகி, தி.மு.க., நகர தலைவர் தணிகை குமரன் ஆகியோர் முன்னிலை வகித்தனர். வி.சி.க., மாவட்ட செயலாளர் குபேந்திரன், காங்., மாநில துணை துணைச் செயலாளர் ஆறுமுகம் ஆகியோர், அம்பேத்கர், காமராசர், ராஜிவ்காந்தி, அண்ணா, இந்திரா காந்தி சிலைகளுக்கு மாலை அணிவித்து, பட்டாசு வெடித்து, இனிப்புகள் வழங்கிக் கொண்டாடினர். இதில், இளையராஜா, மகேந்திரன், தமிழ்செல்வன், எத்திராஜ் உள்பட பலர் கலந்து கொண்டனர்.