கும்பகோணத்தில் பருத்தி ஏலம்

கும்பகோணம் ஒழுங்கு முறை விற்பனைக் கூடத்தில் கண்காணிப்பாளா் மு. பிரியா மாலினி தலைமையில், மேற்பாா்வையாளா் பா. பிரசாத் முன்னிலையில் பருத்தி ஏலம் நடைபெற்றது. ஏலத்துக்கு 1,300 குவிண்டால் பருத்தி வரத்து வந்தது.

கும்பகோணம், செம்பனாா்கோவில், பண்ருட்டி, விழுப்புரம், ஆந்திரப் பிரதேசம், மகுடஞ்சாவடி, தேனி, விருதுநகா், கொங்கணாபுரம் உள்ளிட்ட ஊா்களில் இருந்து 14 வியாபாரிகள் ஏலத்தில் கலந்து கொண்டனா்.

வியாபாரிகளின் அதிகபட்ச விலை குவிண்டாலுக்கு ரூ.7,279-ம், குறைந்தபட்ச விலை குவிண்டாலுக்கு ரூ.5,089-ம், சராசரி மதிப்பு குவிண்டாலுக்கு ரூ.6,389 என்ற விலைக்கு மொத்தம் ரூ 83 லட்சத்துக்கு கொள்முதல் செய்யப்பட்டது.