கல்வராயன் மலையில் 800 லிட்டர் சாராய ஊறல் அழிப்பு

கள்ளக்குறிச்சி மாவட்டம் கரியலுார் சப்-இன்ஸ்பெக்டர் மணிகண்டன் தலைமையில் போலீசார் கல்வராயன்மலைப் பகுதியில் ரோந்து பணியில் ஈடுபட்டனர். புதுார் மேற்கு மலைப் பகுதியில் கள்ளச்சாராயம் காய்ச்ச சாராய ஊறல் 4 பேரல்களில் 800 லிட்., இருப்பது கண்டுபிடிக்கப்பட்டது. சாராய ஊறலை சம்பவ இடத்திலேயே கொட்டி அழித்த போலீசார் இது தொடர்பான குற்றவாளிகளை தீவிரமாக தேடி வருகின்றனர்.